حل بسيط لنفشه الشعر

اليوم عندي لكم معلومه جربتها مرتين للحين واحس 

بفرق قلت اقولها لكم 

المعلومه تقول

بعد الشاور اوعك تجففي شعرك بالمنشفه

او حتى تحطيه عليها

في ناس يقولون حتى لاتعصريه عن الماي

بس انا ما اتحمل لازم اعصره احسها عاده خخخ

. . ليييشششش ؟؟؟؟؟

السبب

وببساطه انو المنشفه تجفف شعرك تماما عن المويه وعن الاشياء الكويسه اللي بشعرك وطبعا كلنا عارفين المعادله

 شعر جاف = تقصف 

البديل

 خذي بلوزه او اي شي قطن 

عن نفسي استخدم دشداشه نوم قطن 

وجففي فيها شعرك 

القطن راح يسحب المويه الزايده

بس ماراح يمتص كل المويه من شعرك

ويقولون هذا هو الاحسن

الطريقه

خذي اي قطعه قماش قطن وحطيها ع الطاوله وحطي راسك عليها ولفيها حول شعرك ليمن يجف 

تجربتي

 لاحظت ان شعري جف اسرع 

 ولاحظت ان الكشه اللي تتطاير

(الشعيرات الصغار)

 مررررا فرق

لانهم طلعو جدا قليل

مو نفس العاده

واحس اختصر علي وقت بالاستشوار

خلصت شعري اسرع

بس يبقى من شعر لشعر يفرق

وتجربتي مو اكيد تضبط ع الجميع

بس ماراح يقتلنا لو حاولنا ودورنا حلول لهالكشه

في منشفه اسمها 

- مايكروفايبر - 

 مرا ناعمه وخفيفه غير عن المنشفه العاديه

نتايجها نفس نتيجه قطعه القماش القطن

بس من تجربتي منشفه المايكروفايبر تخيس

ويطلع لها ريحه بعد استخدامين

ماحبيتها وحسيتها تنوم شعري بزياده 

وسلامتكم ... قولو لي اذا قد جربتوا الطريقه او في  

احد يبي يحط مداخله او معلومه اكثر 

لو حبيتوا البوست خذوا طله على انستقرامي

Zina_Makeup

https://www.instagram.com/zina_makeup/

.. 

 وضيفوني على السناب انزل نصايح مكياج كثيرة