perfect image Lactic 50% gel peel

• 
  

  perfect image 

  Lactic 50% gel peel

  enhanced with kojic Acid & Bearberry extract ( A Professional Skin Resurfacing Solution)

  
  

  
  

  مقدمه

  لاكتيك اسيد معروف بقدرته ع تحسين مظهر البشره من خطوط رفيعه، تجاعيد، الخ. الاكتيك كمان يساعد في ارتفاع نسبه تغير الخلايا علشان يعطي منظر افتح للبشره بقوام متناسق

  
  

  
  

  اول حاجه وقبل كل شي لازم اتكلم عن شروط الاستخدام وكيف يستخدم قبل لا اتكلم عليه لانه يعتبر خطير ماهو لعبه بتاتا

  
  

  
  

  قبل الاستخدام 

   ماتقدري تحطي مكياج بعد ماتستخدميه ب اربعه 

  وعشرين ساعه

  
  

  قبلها بيومين وبعدها بيومين لاتقشري بشرتك او 

  تستخدمي غسول مقشر

  وقفي استخدام فيتامين اي او بي ع الاقل يومين قبل ماتستخدميه

  
  

  لاتنزعي ولا تحلقي الشعر في المنطقه المعالجه يومين قبل الاستخدام 

  
  

  تتجنبي الشمس بقدر المستطاع ويفضل تستخدميه بالليل قبل لا تنامي ولو مضطره تطلعي ضروري بالنهار لازم تستخدمي واقي شمس ولا المفعول 

  بيصير عكسي وبتبقع بشرتك

  
  

  لاتستخدميه في مناطق الجلد فيها حساس او رقيق او مجروح

  
  

  لايستخدم اكثر من مره وحده في الاسبوع ولا الحساسيه للبشره بتتفاقم

  
  

  لاتسوي تان قبل استخدامه باسبوع ولاتستخدمي تان اسبوعين بعد استخدامه لان التان بيمسك لونه في بشرتك و بتتبقع بعيد الشر

  
  

  مع الاستخدام بتحسي وجهك مرا يحك وكآنه متنمل ويقرصك ويحرقك وهذا شي جدا طبيعي واذا زاد عن الحد طبعا امسحيه ع طول بماي بارد

  
  

  الاحمرار للبشره بعد استخدامه جدا طبيعي ويروح خلال نص ساعه خصوصا للي بشراتهم حساسه ولو جلس اكثر من نص ساعه حاولي تخففي الكميه اللي تستخدميها

  
  

  
  

  
  

  طريقه استخدامه 

  تنظفي وجهك بغسول لطيف قبل وبعدها تحطي من المقشر ع قطنه وتمسحي المناطق المتضرره بس .. ( ك اول استخدام عن نفسي خليته ٣٠ ثانيه بس ) … بعدها بالاستخدامات الثانيه 

  صرت اخليه دقيقتين 

  واستخدمه اسبوع ايه واسبوع لا يعني مره كل اسبوعين

  
  

  
  

  الاحساس لمن تستخدميه

  المقشر كذا قوامه كانه عسل بالضبط كذا لزج وله ريحه غريبه

  لمن تستخدميه تحسي بشرتك جالسه تحترق شي كذا يقرص مرا الاحساس مزعج 

  بس انو اصبر نفسي بالنتايج و اجهز ماي بااااارد ابرد شي بالحياه وبس تخلص الدقيقتين اقتل الاحساس كله بالماي البارد

  
  

  
  

  رايي فيه 

  حبيته وحسيته بجد يقشر بشرتي .. بشرتي تقبلته.. بتاتا ماتحسست بس لو يجي شوي ع عظمه خدي احيان تصير كانها مجروحه يومين وترجع طبيعي ف هذا دليل ع اي قد انه مرا قوي ومرا خطير لا تتساهلوا فيه .. استمريت عليه ثلاث شهور والنتايج كانت بطله

  
  

  
  

  مكان الشراء والسعر

  اشتريته من امازون ب ثلاثين دولار تقريباً بحدود ميه ريال

  
  

لو حبيتوا البوست خذوا طله على انستقرامي

Zina_Makeup

https://www.instagram.com/zina_makeup/

.. 

 وضيفوني على السناب انزل نصايح مكياج كثيرة