منتجات مكاديميا صارت اشهر من نار على علم بسبب حمام الزيت حقهم اللي ما اتوقع في احد
للحين مايعرفه
سعرها غالي وتناسب البعض ويحبها مرا وماتناسب البعض وجدا يكرهها
هنا بكتب لكم ريفيو بالمميزات والعيوب لكل شي جربته من عندهم
Macadamia natural oils / deep repair masque (ماسك للشعر - حمام زيت)
مميزات
قناع اصلاح عميق للشعر ينشط الشعر الجااف والتالف ، يعيد بناء الشعر ويغذيه بعمق لتحسين مرونته ولمعانه ،، يترك الشعر بنتائج مفيدة طويلة الامد
رايي
ريحته هي اكثر شي اخذ عقلي فيه
لاحظت عليه من بديت استخدمه شعري صار يطول اسرع هههه
جميل ع الشعر واحسه يغذي
بس لمن احطه ع شعري
لو ايش ما اغسله واغسله واغسله
يبقى لمن اطلع من الشاور
واستشور شعري يزيت اسرع
لكن كلما تحركت
او جا شعري ع وجهي اشم ريحه حمام الزيت
.. خلصت ثلاث علب منها ومحتاره اشتري منها كمان ولا اجرب صانسيلك اللي يقولو البنات انه نفسه
طريقة استخدامي له:
اول ماعرفته كنت استخدمه (ترويشه احطه والترويشه اللي بعدها ما احطه واللي بعدها احطه) اغسل شعري بشامبو وبعدها احطه ع كل شعري وامسج فروة راسي واخليه حدود ربع ساعه (المفروض تخليه بس ٧ دقايق بس انا احطه اكثر مزاجيا خخخ) ... ماسبب لي تساقط شعر مع ان الكثير سببلهم .. بس لمن سمعت عن التساقط صرت احطه بس في الاطراف واستخدمه مره في الاسبوع او كلما حسيت شعري تعبان
ملاحظه؛
مكتوب عليه تحذير انو لاتكثرو منه لانه ترطيب عميق يعني ماهو بلسم مع كل ترويشه
العيوب
اسعارهم مرتفعه ولهم بدائل ارخص
السعر
حدود
33$
حوالي 120 ريال
بس في ظروف زي العينات
سعرها يمكن عشرة ريال شي كذا او يمكن اقل
وعلشان كلنا نستفيد
شنو بدائلكم عن هذا المنتج ؟
Macadamia natural oils / reviving curl cream
للشعر الكيرلي
مميزات منعش الشعر الكيرلي
مالقيت مميزاته اونلاين لاني شريته مباشره من المحل ومدري ليه ماهو موجود تبع الكولكشن اونلاين
رايي بمنعش الشعر الكيرلي
حببببببببييييييت هذا المنتج بكل معنى الكلمه حبيته
فكرته نفس بانتين بديل الزيت
بانو يحافظ على الكيرلز حقت الشعر
مرا اعجبني
وبيعجب اي بنت شعرها خلقه من ربي كيرلي يتلفلف
طريقة استخدامي له
وانا بالشاور استخدم بلسم مخصص للشعر الكيرلي واخليه شوي وبعدها اغسل شعري وامشطه وانا تحت الشاور بمشط تكون المسافه بين سنونه واااااااسعه ... بعدها بس اطلع من الشاور ضروري يكون الشعر رططططططب .. احطه ع شعري والف الخصل اللي فوق بيدي لانها هي المنظر وتقدري تخليه يجف من نفسه او تستخدمي دفيوزر (مجفف شعر خاص بالشعر الكيرلي) - اللي مايعروفو الدفيوزر يقولون لي بالكومنتز واحط عنه ريفيو وبسسس ويصير شعري يااااحلاااااوه يجنن ودايما انمدح ع شعري وهو كيرلي ماشاء الله
العيوب
سعره ماله داعي وفكرته قريبه من اي بديل زيت تحبونه للشعر الكيرلي
السعر
منعش الشعر الكيرلي هذي عبوه صغيره واتذكر اخذتها بحدود
7$
حوالي 30 ريال ...< كل المنتجات من مكاديميا تتوافر منهم احجام وكل حجم له سعره
وعلشان كلنا نستفيد
شنو بدائلكم عن هذا المنتج ؟
Macadamia natural oils / - healing oil treatment علاج لاطراف الشعر
مميزات معالج اطراف الشعر
يناسب جميع انواع الشعر ولكنه افضل للشعر الجاف والتالف ،، خفيف على الشعر ويمتصه الشعر بسهوله،، يرطب الشعر ويغذيه ويعطيه ملمس حريري ناعم وصحي،، يفك تشابك الشعر،، يحافظ على الشعر المصبوغ ،، يقلل من وقت تجفيف الشعر بنسبه ٤٠-٥٠ بالمية
رايي فيه
ريحته جميله بس حسيته ماله داعي وماغير بشعري ولا اي شي وشعري باقي جاف ولا حسيت غير اي شي وعن حكايه انه يجفف الشعر اسرع .. اغلب وقتي اجفف شعري بالاستشوار مباشره الا نادر لمن يكون مزاجي اخلي شعري ع طبيعته (كيرلي يتلفلف) ودامي بستشور شعري قد قريت معلومه انو اذا حطيت زيت بشعري وعرضته لحراره يتقصف فمستحيل اخاطر ! ... صح لكن مع انه زيت زيت بس خفيف ويمتصه الشعر بسهوله ... يمكن يمشي مع شعر غير شعري لان شعري مايتقصف بسهوله ويمكن هو اساسه يعالج تقصف مدري بس عن نفسي ماحسيته الشي اللي هو
العيوب
ماعنده ماعند جدتي واقدر استغني عنه ب اي منتج ثاني بنفس فكرته بيعطيني نفس النتايج
*********تحديث *********
رايي الجديد زيت اطراف الشعر:
زمان كنت اقول بالريفيو حقي ان ماعنده ماعند جدتي وبجد مع سعره انا صادقه
بس لي فتره اتروش وشعري مبلل ابخخ عليه اشياء وبعدها احط من هذا والف شعري وارفعه (اسويه كعكه ههههه) يعني بن للي ماتعرف كعكه هههه
.... الزبده انو مجرد ينشف شعري وافكه يصير نااااااااعم كانه مستشور
لم اكد اصدق عينياي
.. قلت مستحيل شكله شعري يستهبل معاي هههه بس لي فتره كلما اكرر الحركه نفس النتايج اذهلني بكل معنى الكلمه
العيوب
سعره حرام ! ههههه مرا غالي واحس هذا اكثر شي يخليني اعطيه نظره سلبيه لان حرام هالمبلغ ع زيت ... نتايجه ماتبان الا بطلوع الروح وباستخدام متكرر وهذا الشي محد يستوعبه مباشره وانا منهم وكرهته وحطيته ع جنب بعد كم استخدام
السعر
معالج الاطراف سعره
39$
حوالي 150 ريال
< كل المنتجات تتوافر منهم احجام وكل حجم له سعره
نصيحه
اي شي مايعجبكم لانكم حسيتوا ما اعطى فايده استخدموه مره ومرتين وثلاث
وحاولوا تكون ع فترات منفصله
لان ترى مزاج الانسان وحالته النفسيه تاثر ع حكمه للمنتجات
واذا مانفع غيروا طريقتكم بالاستخدام
او استخدموه بشي ثاني ينفع له
بتاتا لاتقولوا خايس مانفعني وترموه ع جنب
الا لو حسس لك بشرتك وكذا وقتها ارميه ولا اعطيه لاحد ممكن يحبه مع انو احيان كثير نظلم منتج انه سبب لنا حساسيه ولا سبب تساقط والسبب مايكون هو يمكن يكون سبب نفسي ولا شي جالسه تاكليه او يمكن حتى من الجو حولك ف اعطي المنتجات اكثر من محاوله ولاترميها علطول
وهنا راي حبيبتي نيلو عنه ك تحذير حبيت اضيفه علشان الكل يكون عارف
شوفي انا ترا كنت احبوووو واعشقو.. لكن مع الاستعمال الطويل يطيح الشعر فانتبهييييييي !!!! تقريبا في القارورة الثانية بدا معايا تساقط جامد وكان هوا الشي الوحيد اللي جديد بستخدمو لشعري وبحثت في النت لقيت كتيرين عانو من تساقط مع الاستعمال الطويل... وما كنت احطو للجذور كنت احطو بس للاطراف بس لانو زيت فاتوقع كان الشعر يتشربو ويوصلو لفوق للجذور 😭.. ما بقولك اكرهيه لكن لا تستعمليه كتير خليه لترويشة العزايم او مرة في الاسبوع وكذا 😘 شعري وشعرك اكيد غير ان شاء الله ما يعملك شي بس قلت اقولك تجربتي معاه ❤
لو حبيتوا البوست خذوا طله على انستقرامي
Zina_Makeup
https://www.instagram.com/zina_makeup/
..
وضيفوني على السناب انزل نصايح مكياج كثيرة
شوفي انا ترا كنت احبوووو واعشقو.. لكن مع الاستعمال الطويل يطيح الشعر فانتبهييييييي !!!! تقريبا في القارورة الثانية بدا معايا تساقط جامد وكان هوا الشي الوحيد اللي جديد بستخدمو لشعري وبحثت في النت لقيت كتيرين عانو من تساقط مع الاستعمال الطويل... وما كنت احطو للجذور كنت احطو بس للاطراف بس لانو زيت فاتوقع كان الشعر يتشربو ويوصلو لفوق للجذور 😭.. ما بقولك اكرهيه لكن لا تستعمليه كتير خليه لترويشة العزايم او مرة في الاسبوع وكذا 😘 شعري وشعرك اكيد غير ان شاء الله ما يعملك شي بس قلت اقولك تجربتي معاه ❤
لو حبيتوا البوست خذوا طله على انستقرامي
No comments:
Post a Comment